馬國明撐小強再現

曾參演《男親女愛》主題曲《藍天》MV的馬國明，當年亦是「小強」的扮演者，他昨日透過電話，直言為了重溫揚言不再拍劇的鄭裕玲（嘟嘟）演出，誓必追睇這套經典劇王：「我當然會重睇啦！好似周潤發、梁朝偉同劉青雲等前輩都拍過好多經典劇！而佢哋依家仲拍緊戲，我哋都可以再買飛入去睇佢哋演出，但我知嘟嘟姐就話到明唔會再拍電視劇，好難有機會再睇佢演出。因為呢個理由，我一定會睇番《男親女愛》！」