李美琪難忘爆笑情節
《男親女愛》脫穎而出獲《東網》讀者點擊要求重播，不少藝人亦引頸以待回味佳作。當中「牛雜妹」李美琪表示：「當年黃子華與鄭裕玲呢個配搭好新鮮，印象最難忘係二人深情擁吻，同埋馬國明扮小強，呢兩場戲大家講到依家仲講緊，相當搞笑。」而歌手張紋嘉（Crystal）最記得當年每集都追看，每集都好好笑。而鄭裕玲Miss Mo一角成日講Off Off Off相當生鬼，真係百睇不厭。」
另外，組合Super Girls成員Aka則指黃子華視一隻曱甴（小強）是好朋友，是超乎想像的一件事。廖子妤亦指難忘其中一幕鄭裕玲與黃子華被枕頭套笠住接吻，當年緊張到大叫「唔好呀」！