Cara G.自「哺」其醜搭（車立）噴奶
已榮升第二任媽咪的混血模特兒Cara G.前晚在活動上大談餵奶趣事，她謂搭(車立)時餵7個星期大的幼女吃人奶，當要出(車立)時她立即移開女兒，豈料她的人奶竟噴到對面的夫婦。
混血模特兒Cara G.與丈夫Jesper前晚拍拖出席平治全新概念店Mercedes me開幕派對，其他嘉賓還有薛芷倫與兒子Justin和女兒馬桂珩、莊思華、劉晨芝、陳柏宇等。
唔使覺得尷尬
以透視裝示人的Cara G.大談湊女經，被問到可有餵幼女人奶，她說：「餵人奶好攰，但我都想宣傳母乳，因為母乳對BB係健康啲，亦希望香港人可以開放啲，有時我都覺得餵人奶時，周圍嘅人眼光有啲奇怪，個個都望住你，令你會覺得好尷尬，其實呢樣嘢係好正常，唔想要好閃縮或者覺得尷尬！（咁你有冇試過餵人奶遇到趣事？）有呀，我今日去醫生度做檢查，抱細女搭(車立)時餵緊人奶，啱啱要出(車立)，我咪移開個女，佢食到成口奶，而我又太多奶，個女個咀一離開，我啲奶就噴到去對面一對夫婦，哈哈，我覺得好好笑，我仲同佢哋講，第時餵人奶就會係咁，當預演囉。」
她又大談兩個女兒的趣事：「佢哋兩個都好好，大女依家學緊嘢，會不停講，大女比較似我，七個星期大嘅細女就似老公，性格靜啲，大女就活躍好多。（會唔會再生？）我哋都有諗呢個問題，但依家兩個女仲細，暫時都好開心！」她又透露胞姐也剛誕下男嬰，自己亦希望有個兒子。
薛芷倫唔催婚
同場的薛芷倫以低胸連身褲上陣，問到她兒子Justin幾歲，她說：「二十幾歲啦，啱啱畢業，喺社會攞下經驗先，如果幫爹哋媽咪手就要遲啲先。」她透露女兒現在有拍拖，她亦有見過仔女的男女朋友，她不會催仔女結婚。
活動上品牌派出車隊巡遊外，更於概念店入口處展出屬無價非賣品的平治F015自動駕駛概念車，這輛概念車屬無人駕駛四座位車輛，也可以由人駕駛，它以衞星導航，軚盤可以自動收放，如果路上遇有人或物出現，車上的感應器就會令車輛停下來。文：名人組