林雅詩夫妻分房死撐OK!
息影十二年的前港姐林雅詩突然復出，並宣布推出寫真集，同時惹來其婚姻亮紅燈的揣測，據知兩夫婦已分房瞓多年！只以「OK」來形容婚姻的林雅詩說：「婚姻嘅嘢好難講！」
前港姐林雅詩最近突然復出並宣布會推出COSPLAY寫真，即時惹來婚姻亮紅燈的揣測，據其閨中密友向本報爆料，指林雅詩和丈夫的關係麻麻，並已分房瞓多年，由於雙方均十分愛錫兒子，故竭力在兒子面前維持友好關係。日前林雅詩接受本報專訪，並以三點式上陣大騷fit爆身材，她表示寫真集會以美國隊長及神奇女俠的造型上陣，又指要向同為人母的羅霖學習，大讚對方犀利。
女人要事業
雖然否認婚變傳聞，但字裏行間卻讓人感到夫妻關係疏離，林雅詩更言未有知會丈夫會推出寫真集，因雙方不會過問對方的事業，並只以「ＯＫ」來形容和丈夫的感情。林雅詩說：「婚姻嘅嘢好難講，大家都唔知發生咩事，女人呢個時間可以ready嘗試出返嚟，搵番自己嘅事業，女人有番自己事業係好啲。」
登台遭潑水
自言不用靠男人都可以有個人事業的林雅詩，指其實在大半年前已「試水溫」返內地登台，想不到反應熱烈，更發生「突襲」事件，她說：「唱歌派相時，有位男士飲到好醉，可能佢拎唔到張相，就發脾氣向我掟礦泉水，搞到我成身濕晒，驚到想喊！」該酒吧的老闆事後為賠罪包了一間ＫＴＶ房，並找來十多個工作人員，逐一親自向林雅詩敬酒，她說：「本來同行嘅朋友叫我走，但我唔飲好似唔畀面，結果我醉咗！以後真係要注意登台要點！」她續說感謝張文慈常教她登台的技巧外，直言雖想有個人事業，但不會影響照顧兒子的生活。
另外，日前林雅詩當義工探訪老人，她說想讓兒子明白送暖給其他人的重要性。
文：專案組