古天樂撐高錕 學畫畫防腦退化
古天樂昨現身支持「光纖之父」高錕畫展，與首次見面的高錕夫婦同台合影。期間吸引不少途人越過圍欄走進記者區拍照，更有人「請極唔走」，與活動公關大玩捉迷藏。
談到高錕所患的腦退化症，古仔坦言有親友同一遭遇：「了解多咗呢個病，大家成日話打麻雀有幫助，依家知學畫畫一樣有助病情。」剛完成電影《S風暴》拍攝的他，近日已再投入另一新戲演出：「今次拍劉青雲，但詳情未講得住。（《尋泰記》電影版搞成點？）搞緊劇本。（下月生日點過？）要開工，但會同屋企人食飯。（中秋呢？）一陣間要做嘢，希望趕得切返屋企食飯。」