Ana R.溫定書學餵母乳

懷孕七個半月的名模Ana R.昨日出活動，透露已看了很多育嬰書，並已預約好醫院及買了嬰兒用品。她表示：「我喺屋企加晒閘，因為我哋唔想啲狗入BB房。我唯一擔心係餵母乳，因為我媽咪喺餵母乳上有困難。同埋都有啲擔心順產，因為我媽咪盆骨比較細，希望我盆骨會似爸爸，大啲。」她透露老公Brad因知B女將出世，故非常熱衷買粉紅色用品。老公屆時更會陪同入產房，見證B女的誕生。她又透露已拍攝大肚寫真留念，卻大賣關子，不願透露是否全裸上陣。問到是否由老公操刀拍攝？她笑言：「佢唔係攝影師。（有冇一齊影？）佢怕醜，唔係太鍾意影相。」