麥明詩林作遊花園拒認愛

應屆港姐冠軍麥明詩（Louisa）早前被爆有律師男友林作，由死口唔認戀情到疑似想公開，一直疑幻似真。日前更被拍得孖住去街，更疑有攬腰等親暱行為。不過二人前晚分別出席活動時仍不認戀情，大晒口才玩語言藝術。

聞攬腰去街即扮傻

Louisa前晚現身紅館，為無綫節目《星光熠熠耀保良》表演，與港男許家傑跳探戈，提腿、彎腰做到足，表現不俗。被問到與林作攬腰去街，她繼續扮傻謂：「都係行街食飯，係咪角度問題？個吓佢係想搭吓我啫。」亦否認避忌，因會出現在人多的地方，至於被拍得林作為她拿東西做阿四，她解釋部分的物品是林作：「大家鍾意點講就點講，自己知同佢關係點就得。」被問是否改玩地下情？Lousia表示不希望把公眾生活跟私生活混作一起，同時亦否認當日衝紅燈之說。

林作前晚寸嘴反問記者點為知拍拖。

麥明詩與港男許家傑表演探戈，提腿、彎腰做到足。

寸嘴反駁冇打茄輪

而林作前晚出席活動時，被問到為何不偕女友一同前來？他反問記者女友是否Louisa？又笑指替對方拿東西並非偉大。至於是否因Louisa當選港姐後忙碌，要爭取時間見面？他說：「真係好忙。（冇投訴？）冇，選港姐梗係要忙，唔忙先大鑊。」又指未想過結婚，作為朋友一定會支持對方。被問二人是否已分手？他說：「冇承認過一齊，何來分手？」記者指二人被拍得一起拍拖？他寸嘴反駁：「點為知拍拖？又影唔到我哋打茄輪，又影唔到拖手、錫面。」亦否認借麥明詩上位。麥明詩被問林作亦拒認愛時，她說：「大家唔承認亦唔否認，每個處理方法都有佢既煩惱，揀適合自己性格同生活方式去處理就得。」

文：影視組