徐綺雯冧招 煮熱夫妻感情
澳門孝思墓園後人徐綺雯（Candy）百足咁多爪，婚後繼續拍廣告及接司儀工作等。中秋節將到，愛研究美食的Candy親自炮製奶黃月餅冧老公，直言下廚是維繫夫妻感情的最佳方法外，又透露計劃在吉隆波開雲吞麵店。
徐綺雯（Candy）日前親自以光波爐來炮製奶黃月餅，直言選擇整奶黃月餅皆因油分少較健康，利用光波爐來焗製既方便又快捷。製作當日，她更特意帶了一個卡通人物「麥兜」的月餅模，笑言「麥兜」跟老公一樣可愛！Candy說：「新年或過時過節都會同屋企人一齊，細個過中秋都會同表弟表哥玩吓燈籠或蠟燭，但最着重當然係新年。今年中秋節當然同老公一齊，平時大家都會親自下廚，係維繫夫妻感情嘅最好方法，又有共同話題。無論煮得好唔好，都可以同對方分享。老公煮嘢食都好叻，例如海南雞飯！」
吉隆坡成本低開麵店
Candy自言性格較急躁，下廚反而可訓練其耐性，她說：「煮嘢食要細心，要好有想像空間，例如買咩食材，就算食剩嘅嘢都可以諗吓點利用再煮。」Candy和老公滿腹生意經，繼將在本月底推出大型購物網站外，更有計劃在吉隆坡投資開雲吞麵店：「香港雲吞麵店已飽和，吉隆波當地有好多中國人，但好味嘅雲吞麵舖唔多，成本低租金平，所以考慮喺當地開。」
文：專案組
攝：劉智源
場地：德國寶