高海寧恨戀泡菜男

無綫藝員高海寧，早前在將軍澳電視城為節目《姊妹淘》任嘉賓。她向《東網電視》透露剛從加拿大為無綫宣傳節目返港，不過因溫差大而病倒，其後又要飛去新西蘭為新西蘭華裔小姐競選任評判，工作極之繁忙。

單身的她笑言在加拿大冇艷遇，望留待到韓國旅行才碰上真命天子：「有個朋友嫁咗去韓國，佢話介紹男仔畀我識。何雁詩都搵咗個韓國男友啦，自己唔排除任何可能。呢代啲韓國男人唔再大男人，好錫老婆、好專一。」