董嘉儀整Cupcake呃like
中秋節嫌傳統月餅太悶，有「大埔LuLu」之稱的藝人董嘉儀在中秋佳節一反傳統，整兔仔燈籠和月餅造型的Cupcake！LuLu賣花讚花香，大讚自己的作品：「今次都係第一次整，都幾靚啊！（有冇打算整傳統月餅？）都想試吓，今次我用糖都搓咗幾個迷你月餅仔出嚟，幾似(口架)！」LuLu坦言捨不得食，要用靚Cupcake呃Like：「梗係唔食啦，用嚟擺！會擺番屋企，攞嚟影相呃like！」
有云「一個月餅四碗飯」，但LuLu無有怕：「我自己係好鍾意食鹹蛋黃，反而唔係好鍾意食蓮蓉，我淨係撩個黃食，然後蓮蓉就畀晒屋企人食，搞到全個月餅盒都冇晒啲黃！」LuLu今年中秋當日要在澳門排舞台劇，她說：「第一次冇得同屋企人過，仲要離開屋企！不過團圓飯都要照食，可能係提早食啦！」
場地：Cakecohk