莫家淦湊B成身童子尿

無綫主播莫家淦（Keith）早前榮升爸爸，為兒子取名莫朗翹（Keanu），並趁囝囝出世第五日拍下初生BB寫真，效果非常溫馨！BB大部分時間都合眼瞓覺，間中流露會心微笑，樣子Cute到爆！Keith說：「BB算出奇地乖，多數時間都好靜，係期間BB瀨咗尿，我成身都係，不過算小兒科o架喇！童子尿值錢吖嘛！」
莫家淦同老婆。
莫家淦同老婆。

初為人父的Keith透露最近既要湊BB又要開工，每日都非常忙碌：「每兩個鐘就要醒一醒，太太負責餵人奶，我就幫BB掃風，仲會晨早帶BB出街曬少少太陽，同啲晨運大媽一齊行公園。」

出世五日的BB影寫真留念。
  • 出世五日的BB影寫真留念。