周美欣高人一等生人勿近
藝人周美欣日前以低胸裝fit爆現身模特兒比賽及擔任評判。身高接近1米8的美欣腳踏六吋高跟鞋上陣，頓時高人一等，連她亦笑言自己高到嚇親人：「我見今日模特兒比賽個個都好高先着呢對鞋，平時唔敢着出街，因為（高度）太恐怖！（着咁高有冇試過整親？）冇，好少着，我都驚跌親。」
問到身材高挑的她有否因而嚇走異性？美欣就搞笑表示自己一穿高跟鞋即「生人勿近」：「因為我太高，做嘢時男拍檔唔敢企埋嚟，又極之唔想我企埋去！」談到工作，美欣透露十一月會首演舞台劇女主角，更將為此瘋狂練舞：「第一次演舞台劇，要跳街舞，好緊張！（本身有舞蹈底子？）我細個玩過drama同學跳舞！」