佘詩曼獻計幫盈盈消氣
再為人父的錢嘉樂與圈中好友佘詩曼（阿佘）等昨日到醫院探望湯盈盈，日前指細女似自己的嘉樂昨日改口風話似媽咪！而阿佘亦指B女較似媽咪盈盈，又鼓吹二人「生多個」免傷和氣！
藝人湯盈盈前日凌晨為老公錢嘉樂誕下細女Kassidy，嘉樂昨日帶同大女凱晴與家人到醫院探望，而圈中好友佘詩曼、文頌嫻與郭少芸亦有到醫院送上祝福。三女於下午三時左右現身醫院，問到有沒有準備禮物給B女，文頌嫻笑謂：「有吖，準備啲BB衫！」三女於下午四時許離開，問到盈盈精神狀況如何？她們均表示：「好好吖，recover得好快！（落到床？）落得好耐啦，好厲害！」問B女似爸爸或媽媽？文頌嫻與郭少芸都表示B女似姐姐凱晴，反而阿佘認為B女似媽咪。談到盈盈曾表示今胎似嘉樂會「條氣唔順」，阿佘就表示：「生多個囉！」
凱晴見妹冇呷醋
而嘉樂則於二時許帶同岳父母與大女凱晴現身醫院，凱晴在嘉樂懷中表現怕醜。嘉樂約於下午五時獨自離開，他透露盈盈精神狀況很好，帶備相機的他笑指太太特意化靚妝，準備一家四口影合照，並預告太太今天可以出院。又指細女則經常肚餓，令餵哺母乳的盈盈忙個不停，問凱晴見到妹妹有何反應？嘉樂說：「今日有接觸，相處得幾好，佢都指住妹妹叫sister！（有呷醋？）開頭都驚，醫生都叫第一次見面唔好喺佢面前餵奶，咁樣最妒忌，今日佢好乖，媽咪餵奶都叫佢睇，解釋佢聽妹妹食緊嘢。」嘉樂又一改口風，指B女「收水」後似媽咪。
被問會否再追多個仔？嘉樂表示：「我呢幾日一個人湊大女都幾辛苦，等細嗰個大啲先，好似凱晴咁，唔使全副心機擺喺佢身上先計劃生細女，凱晴依家都識自己刷牙同洗手。」
文：影視組