謝安琪暗撐TVB劇集有質素

藝人林峯、謝安琪（Kay）、廖碧兒、欣宜及王宗堯昨日出席樂視Letv發布會，支持推動本土影視業，認為有更多平台造成良性競爭是好事，出身自無綫的林峯及欣宜，以及跟無綫有歌星合約的Kay相信無綫大方，不怕出席此活動會引起不滿。

早前Kay參演無綫劇《殭》，她大讚作品質素高，不怕有更多電視台會影響劇集播出時的收視：「節目質素最重要，我唔擔心，我對套劇好有信心，有啲朋友睇咗試片，個個都話好精彩！」Kay表示暫時未跟樂視洽談直播演唱會或拍劇等合作。

林峯愛看歐美劇偷師演技。

廖碧兒（左起）、欣宜及王宗堯支持有更多電視平台。

林峯拍古仔戲

林峯表示喜歡隨時隨地睇節目，平時會跟女友吳千語欣賞歐美劇：「我哋鍾意人哋嘅製作同演技，係好好參考。（爭睇節目？）唔會，反而佢會『導』我，話邊套劇好睇。」林峯稱近月忙於錄製EP，明年亦未有拍劇計劃，因此暫不會跟樂視合作，提到早前被拍到與古天樂飯敍，有傳因古仔計劃開拍電影版《尋秦記》並找林峯再演秦始皇，對此，林峯沒否認說：「食吓飯啫！（古仔將拍《尋秦記》？）佢係做緊劇本。（搵番你演秦始皇？）我都期待原班拍番，係出年嘅事，詳細嘢留畀古仔講。」

廖碧兒患眼疾

近期甚少露面的廖碧兒透露早前在星馬工作，希望多留港工作陪家人，她又透露上周身體檢查時發現視網膜出問題，令她大吃一驚：「檢查咗三個鐘，發現視網膜有個窿仔，要即刻做手術！」

此外，樂視亞太區執行總裁莫翠天表示樂視將自家製作劇集，計劃每年耗資一億港元拍攝二至四套劇，會不惜工本邀約合適演員。

文：影視組