許廷鏗早知何雁詩蜜運
歌手何雁詩、許廷鏗及胡鴻鈞昨日到電視城為《星光熠熠耀保良》排舞，日前公開與圈外日韓混血男友戀情的何雁詩說：「呢幾日收到好多恭喜，我差啲以為自己結婚添！（男友會現場睇你《星光熠熠》演出？）有飛可能睇，但佢要忙工作，未必一定到。」
而許廷鏗笑言有恭喜何雁詩：「我話『Happy birthday to you』囉！其實我哋一早知啦！（同何雁詩跳舞有冇抱佢之類動作？）冇，淨係踏一踏腳嗰類，排舞師錫住我同胡鴻鈞，因為我哋今日先開始排，畀啲簡單嘢我哋。反而我擔心音響要適應，因為紅館咁大，回音會有delay，我哋要人聲伴奏演出舞蹈，需要注意啲音響。」