林雅詩手纏紗布 嘆出寫真受白眼
藝人林雅詩、陳昭昭、梁焯滿等前晚到旺角出席活動，下月將出寫真的她左手手腕纏着紗布，林雅詩說：「唔小心整親，冇乜特別。（係咪割傷？）少少割傷。（係咪做傻事？）唔係。」
未有戴婚戒的林雅詩自言因寫真飽受壓力，更眼濕濕哽咽道：「幫個仔轉咗學校，之前做個仔學校家教會委員，但因為出寫真有說話聽，好大壓力，唔開心瞓唔着要食藥，已經發咗聲明畀學校。（老公有冇安慰？）佢唔知，冇刻意講。（知唔知你整傷手﹖）佢見唔到。（係咪一齊住？）係。（感情有問題？）OK。（老公批准出寫真﹖）佢唔知，冇刻意講，各有各忙，等佢睇到先知有乜反應，自己好勇做咗先。」