SG遭跑男追住影

組合Super Girls（SG）將參加本周日舉行的馬拉松比賽，近日五女與師妹陳詩欣積極備戰，六女各自各換衫熱身。由於Cheronna右眼眼角膜受損包上紗布，慘變「獨眼龍」的她與Heidi穿運動bra襯貼身褲操練，露出小蠻腰的兩女惹來不少「跑男」喪(目及)。她們自爆曾遭「跑男」追住影相，Cheronna說：「當晚我哋喺街跑，因為我跑得比較快，跑跑吓見到有個孭住斜孭袋嘅人用手機拍我，可能佢知我望到佢，之後就跑喺我後面，當我擰轉頭佢好驚咁收埋部手機，我就即刻拉埋後面啲隊友喪跑撇甩佢。（跑到幾遠先冇追？）都有3公里。」