吳業坤越級追麥明詩女神派檬檸

藝人龔嘉欣、麥包和吳業坤等昨日在荃灣出席無綫劇《愛．回家》之「中秋愛相隨」活動，玩遊戲時張振朗與劇中情敵何君誠在獨木橋上狹路相逢，場面搞笑。訪問時麥包大爆吳業坤想追出爐港姐冠軍麥明詩：「佢話請我食飯，但成三個星期都仲未請，所以我就爆佢。（佢得把口咋？）暫時係囉，佢有咩資格行動住，佢都未考到十優。」吳業坤知道被「出賣」後即謂：「我有成就咪得囉！」認真有志氣。

龔嘉欣叫沈震軒搬

同場的龔嘉欣被問到有指她與沈震軒會結婚，她指自己經常「被結婚」和「被拍拖」，更謂：「成日都傳緋聞，我驚未來老公同奶奶會介意，都有少少嬲沈震軒唔同我商量就回應咗，但都預咗傳緋聞，因為大家住同一邨。」但不會搬屋避緋聞：「因為搬屋好麻煩，不如叫佢搬！」更強調現時單身，亦沒有人追。

吳業坤（中）被麥包踢爆想追求港姐冠軍麥明詩，左為龔嘉欣。

張振朗（左）與劇中情敵何君誠在台上大鬥法。

而最近張振朗的姪仔在無綫《精伶童學會》中大爆其叔叔的女友是「無綫新咪神」陳芷尤，張振朗就指姪仔亂講：「我好多朋友佢都見過，可能佢特別鍾意芷尤啫。」兩人有否發展空間？他指現以工作為先：「日後嘅嘢我唔可以否定嘅！（會搞地下情？）到時我真係拍拖睇吓會唔會畀人影到啦。」

入藝訓班由低做起

另外，港姐冠軍麥明詩、龐卓欣、郭嘉文和林凱恩昨日到尖沙咀出席活動，有指無綫打算以十年合約誘她們拍劇，正與無綫洽談的麥明詩指除了年期外亦要考慮工作機會，就算拍劇亦會入藝員訓練班由低做起。龐卓欣則謂：「唔只拍劇，好多嘢都有興趣。」講到吳業坤有意追求麥明詩，麥明詩在電話訪問中指私下不認識對方：「都冇聽過佢話追我，亦冇人轉達過，相信佢都係講吓笑啫。」

文：影視組