胡琳開騷回歸起點

歌手胡琳早前推出精選大碟《All of me》,內容包括兩隻CD,共十八首舊歌加兩首新歌,胡琳笑言曾經天馬行空地想過要全部歌重新編曲,可惜因為太大工程,所以意見沒有被聽取:「不過做一個咁嘅project真係一個大工程,依家諗番,可能係第日可以做嘅一件事嚟。」

另外,胡琳透露年尾將於演藝學院舉行演唱會,談到重回最初開騷的地方,胡琳直言覺得始終是演藝最適合自己:「好多人以為演藝個舞台好悶,但原來演藝好多機關,因為佢做好多大型舞台劇,台嘅設計係畀複雜嘅布景轉換,今次會利用番場地優點。」