杏兒轉新公司靠男友指點

胡杏兒轉投蕭定一旗下,計劃拍電影及到內地拍電視劇。她直認傾合約時有討論過結婚問題,透露男友Phil從事獵頭公司十多年,選擇簽公司時給予她不少意見,未有否認年尾結婚的她笑言有婚期一定會通知大家。

離開効力多年無綫的杏兒,轉投蕭定一旗下的中國3D數碼娛樂,由電視人踩入電影圈。公布消息前,杏兒直言被傳媒追問感壓力,幸得男友Phil的專業意見,令她多番考量下決定與蕭定一簽約。她說:「報道淨係話佢投資夜店,但其實佢正職係做獵頭公司,已經有十幾年經驗,佢就幫我分析,叫我自己揀。」

傾掂數隨時嫁

杏兒指公司承諾為她開戲,又會拍內地劇。即使拍劇經驗豐富的她坦言拍內地劇是新挑戰:「要講普通話,都係一個挑戰,要強化自己能力。」有指她以3,500萬簽約,杏兒笑言是商業秘密。對於被指與公司傾掂數會隨時嫁人,她說:「依家我咁嘅年紀,呢方面都係考慮之一。」

很感激男友包容

如今事業愛情兩得意,杏兒直言要多謝男友:「喺我身邊嘅男士壓力的確會大啲,始終藝人多話題性,但對佢就唔公平,好多謝佢包容,選擇咗喺埋一齊就要面對。」每當提到男友就甜絲絲的她直言感情穩定,問她是否真的於年尾結婚?杏兒笑說:「依家啱啱先簽咗新公司。(唔係年尾?)有消息會通知大家啦。」

文:影視組

化妝:Cyrus Lee

髮型:Lorraine Lam & hair culture

場地:香港萬麗海景酒店