《勁歌》率先頒獎全民公投賽果

前晚無綫設宴六圍，請各大小唱片公司代表食飯，有傳仍與無綫不咬弦的「四大」之一環球的要員亦有列席，而英皇、Sony、華納、太陽及星夢等共逾70人均有出席。

搞《J2靚聲王》

今次飯局主題是想集齊各唱片公司高層交流，傾談來年合作計劃。據知無綫希望明年可多辦音樂節目，有見近期播放、由鄭少秋及汪明荃主持的《Sunday靚聲王》大受歡迎，因此構思在J2台增設一系列音樂節目，首項計劃是以年輕歌手演出《J2靚聲王》節目，《Sunday靚聲王》更計劃明年開演唱會。

一眾唱片公司高層前晚與無綫代表傾合作大計。

吳雨霏覺得多個地方宣傳新歌是好事。

環球Kelly歡迎

對於無綫示好商討合作，兩位環球歌手陳慧琳（Kelly）及吳雨霏（Kary）均表歡迎，Kelly說：「多個平台唱新歌畀粉絲聽當然好。」Kary則說：「多個地方宣傳新歌梗係好事，但暫時未收到通知會參與邊啲音樂節目，如果落實，當然係開心事。」

此外，每逢年底，各大機構都會搞音樂頒獎禮派「成績表」，據知無綫今年想飲頭啖湯，暫定於12月20日舉行《勁歌金曲頒獎典禮》，廣邀所有唱片公司參加，比新城電台12月26日的頒獎禮更早。無綫綜藝科總監余詠珊承認其事，她指於前晚飯局前已有此構思，並表示將加強公信力，繼港姐後再玩「公投」，由全民投票及港大民調決定各大獎項，屆時定必引來全城熱話。

文：影視組