藝人趙雅芝昨日出席仁濟醫院中秋慈善活動，獲十多名粉絲撐場，兒童繪本小說《南山七小福》作者朱穎詩及其仁濟副主席丈夫王賢訊亦有出席。趙雅芝透露影迷四年前自發組織了《芝子花開義工團》，每年都有溫暖冬天行動，寄冬天衫給貧苦大眾，她說：「一件寒衣好緊要，我聽朋友講，有個住東北嘅人，冬天落住雪揸車，中途入便利店買嘢，架車即畀人打爆玻璃，但乜都冇唔見，淨係唔見件羽絨。」

談到孻仔黃愷傑跟真人騷拍檔內地女星張雨綺傳緋聞，趙雅芝代子否認：「佢哋八個學員相處咁耐，感情好好，邊個退出都會唔捨得。（有冇同你講感情事？）問就講兩句啦。（恨唔恨飲新抱茶？）隨緣啦，佢哋有打算計劃。」她又大爆三個仔都有拍拖，並已見過家長：「個個都幾好，都有自己做義工。」