傅穎驚爆聞美食瘦身法

傅穎近年主攻內地市場,密密拍內地劇賺人仔,近日特意回港為《東網》拍攝一輯時尚泳裝照,成為最新一期《東網Baby》「夏日心動」女主角。女神強勢回歸,為炎炎夏日帶來另一番景象!

能夠令童顏及身材保持得十年不變,傅穎大爆保鮮法:「平日喺內地做嘢壓力好大,大到唔想食嘢,加上又要保住身形,因為要體脂好少先練到馬甲線,有時只係食白烚菜同豆腐,仲聽過啲女星話聞吓啲嘢食就會飽。」不過劇集煞科後,她就可放肆一下:「始終會忍唔到口,有時最開心嘅事就係去食自助餐,算係我喺內地最大娛樂。」

只要上《東網》Click入《ontv東網電視》娛樂節目,即可欣賞《東網Baby》風采!