方力申諗住Stephy一步一淚
歌手方力申和前港姐鄭文雅昨日以大使身份出席「港鐵競步賽2015」，兩人齊齊參與一公里賽事，受訪時小方表示至今已參加活動十年，更自爆年年包尾：「因為個氣氛好好，沿路有好多啦啦隊，頭先都有打氣嘅人同我講：『你又第尾呀！』」
他笑言競步時有想起女友鄧麗欣（Stephy）：「就係諗得太多，所以先咁慢。一路諗，啲迎風淚係咁流。（諗起佢鬧你嘅嘢？）唔係，講笑o者。」他又爆Stephy現時打排球打到有「老鼠仔」同腹肌：「佢就嚟想做運動員多過我。（你有壓力？）女仔咁先型呀！依家女仔唔係淨係要瘦，太孱就唔得。」
按摩呵女友
小方透露Stephy近來去了台灣集訓排球，練到周身瘀和受傷，問到可會幫女友按摩？他即笑言：「有需要都唔介意，但可唔可以公平啲，唔好淨係我付出。」
至於鄭文雅則謂參加活動已十一年，講到剛才比賽成績不錯，做開運動的她謙稱平時練得比較少：「一星期會游水、打golf同打波，都會行多啲路，同埋一定要拉筋，因為幫助身體血液循環，尤其是脊椎、頸椎同腰。」
文：音樂組