張嘉兒溫哥華完婚好姊妹無暇相伴
前港姐冠軍張嘉兒日前與另一半Nate在巴黎拍下浪漫婚紗照，更定於溫哥華時間9月12日成婚。原本嘉兒應於大班姊妹如曹敏莉及朱凱婷等陪伴下出嫁，但結果只有戚黛黛到當地赴會。缺席的曹敏莉表示一早預計自己無法抽身，她在電話中說：「一直未知去唔去到，因為仔女開學，特別係細仔返學未穩定。（送新婚禮物？）一對水晶雀仔擺設，寓意一雙一對。希望佢哋幸福同嘉兒早啲生BB！」
因公事缺席的朱凱婷接受電話訪問時說：「我有job喺身，就算去都係到一到就走。（嘉兒感失望？）佢叫我畀心機做嘢，等佢返港再約食飯。（對方結婚後即度蜜月？）有機會，因為佢話玩埋先！（送新婚禮物？）之前單身派對送咗耳環畀佢。」
