連詩雅5歲暗戀外國男
歌手連詩雅出席手錶設計比賽活動，透露讀書時有設計過首飾及腕錶，希望有機會可以設計一隻「地球腕錶」，她說：「我想設計一隻集全世界特色嘅錶。（每個地方搵個男朋友咪得囉？）咁好難喎！」
自言從小就讀國際學校的詩雅，不抗拒與外國人拍拖：「我曾暗戀過兩次，一次係五歲，一次係十六歲，兩個外國男仔都好靚仔，金髮、藍眼睛，好吸引！細個真係有諗過同外籍人士結婚為生BB，大個梗係知道最緊要係啱自己。（咁跟百億闊少男友石恆聰啱唔啱？）都OK，（有冇結婚打算？）冇咁快，我想專注事業先，願望係開音樂會。」