Aka杯茶唔啱口味 伍允龍：我飲咖啡！
藝人伍允龍、陳展鵬、胡定欣及劉佩玥（Moon）前晚到將軍澳電視城民初街為無綫新劇《城寨英雄》拍攝，劇組人員更即場送上蛋糕為九月份生日的伍允龍、胡定欣以及Moon慶生。
自伍允龍與無綫花旦鍾嘉欣的「分」訊傳出，他最近又被指與Super Girls隊長Aka撻着，雖然伍允龍在訪問時曾以「好朋友」稱呼Aka，惟他卻連忙解釋她只是徒弟兼電影拍檔：「你哋唔好捉住呢個字眼，喺套戲入面個個都係好朋友，包括埋安志杰同埋吳建豪！師徒關係，真係係朋友，（唔係你杯茶？）我唔飲茶o架嘛！我飲咖啡o架嘛！」
陳展鵬無意回巢亞視
而陳展鵬對前公司亞視最近獲巨額注資表示高興，但對無綫情重未有意思回巢：「無綫喺呢幾年畀咗好多機會我，無論人、公司都值得去懷念。」更直認最近自己兩劇齊開，同時為《巨輪II》拍攝，亦需為《張保仔》宣傳而忙碌：「呢三個月做晒一年嘅嘢。」9月9日生日的定欣亦爆男友送女性用品為生日禮物，問到何時結婚時她則不希望給男友壓力：「胡杏兒唔結我又唔結得，最好佢快啲結啦！唔計胡蓓蔚，佢一定係要最快成事！」
文：影視組