林青霞客氣咗女兒開心

「大美人」林青霞昨日盛裝打扮，並佩戴卡地亞逾千萬元藍寶石鑽石耳環出席活動，問到近日忙於拍攝內地真人騷《偶像來了》辛不辛苦？她笑說：「唔辛苦，而且好開心，可以接觸好多普羅大眾，同農夫溝通交流！（幾耐冇拍嘢？）我結婚21年，都有21年半冇拍過，我以前寫書講過做演員最難係演自己，但係我依家接受咗自己，放得開，所以演自己好舒服，反而做人哋會生疏。」問到丈夫與女兒支持抑或投訴？她說：「我嘅女好開心，因為我拍嘢識咗好多朋友，返屋企對佢哋客氣啲，咁佢哋就叫我拍多啲，話對佢哋好啲！老公一向好支持我！」那青霞可會復出客串電影？她表示：「除非我最好嘅朋友張叔平啦，不過佢都唔會做導演喇，好大壓力o架！」