文詠珊壓力爆煲 失眠暴瘦
藝人文詠珊（Janice）昨日出席化妝品活動，消瘦了的她透露近日忙於電影拍攝，壓力導致消瘦6磅，體重跌破100磅以下，她更稱要看醫生：「好大壓力，日日都唔夠瞓，失眠又發噩夢。（拍拖滋潤一下？）我都想，女仔辛苦潤吓會好啲！（男友有冇心痛？）做嘢個個都辛苦，嚟緊又要執半年行李返大陸拍戲，出走半年，會去北京、浙江同日本京都取景。（同男友分隔半年？）我同屋企人都分隔好耐，想抽多啲時間陪佢哋。」
此外，對於同期出道的Angelababy下月結婚，Janice就送上祝福，希望對方早生貴子；至於她自己就打算三年後才考慮結婚生子：「希望30歲前，其實以前都成日諗，但計劃都冇用，如果到就自然發生，會唔會閃婚都唔知，不過我就好傳統，要結婚先生仔，一步一步嚟。」