吳若希淆底諗定遺言
吳若希自爆早前黑仔搭上港龍航空發生故障的航班，憶起事件仍餘悸猶在！而身陷危險關頭，作為孝順女的她亦不忘家人的生活，坦言當時馬上想到幸好自己有買保險，若遇險亦能確保家人之後的生活無憂！
兩位女神吳若希（Jinny）及黃美棋昨日現身海港城出席品牌LADUREE活動，分享化妝心得，並即場親手製作禮盒擺設。受訪時，Jinny自爆早前回鄉下福州休息，所乘坐的正是港龍航空在飛行途中冒煙的班次：「嗰刻真心驚，到依家都諗住買啲補品定驚，因為前排都好多飛機失事意外，所以當時好緊張，第一個反應係諗最後一個電話要打畀邊個，好彩冇事！」問到當時最想致電誰？她謂是爺爺（女麻女麻），會告訴他們自己有買保險，不用擔心生活：「有寫佢哋同爸爸、媽媽、細佬名，當時我就諗，好彩有買保險，仲有啲基金，都應該夠佢哋過世，呢一刻叫我死都死得安樂嘅！」
媽咪因病亂發脾氣
曾因炒單車而入院的Jinny媽現正康復中，不過Jinny就透露母親近日會亂發脾氣，令她非常沮喪：「醫生都講過係正常嘅，因為佢之前傷咗啲神經，行為、性格會有唔同，一時正常，一時會暴躁或者抑鬱，搞到我都覺得好攰，好似同佢講道理都冇用。」問到可有因此而多與母親聊天？她笑謂沒有：「佢依家係小朋友，我都係小朋友，佢一亂發脾氣我就唔理佢！」
黃美棋冷待鍾健威
而黃美棋穿上桃紅色露背裝上陣，提到日前她被影到與緋聞男友鍾健威坐港鐵一事，她無奈表示與對方只是朋友，又謂要將對方「降呢」做同事。問到她上月底生日，對方可有與她慶祝？她說：「佢有約過我，但我生日比較忙，正日同屋企人食飯，睇吓我幾時得閒先補番。（單獨？）係，朋友都會單獨食飯。（佢唔係你杯茶？）佢係杯水嚟咋！」
文：音樂組