胡定欣甜蜜牛一：男友送自己畀我
藝人胡定欣昨日出席活動，適逢她34歲正日生日，席間被問到音樂人男友Terry送上甚麼神秘禮物時，定欣忍不住甜蜜說：「送佢自己畀我囉！」
藝人胡定欣昨日出席鐘錶品牌發布會，正值其34歲生日，雖然要在工作中度過，但「壽星女」笑言是最好的安排：「發現原來生日開工係最開心，因為見到好多人同你講生日快樂同祝福你！」
「佢錫我就夠」
問到生日願望是否希望與音樂人男友陳明道（Terry）盡早結婚？定欣表示兩人感情穩定，但暫未有此計劃：「我知傳媒朋友對我婚姻近況好緊張，小小舉動就問我係咪結婚，但真係暫時未有計劃，現階段大家都好開心，日日開工拍劇，冇時間諗其他嘢！」
當談起男友送了甚麼神秘禮物？定欣忍不住甜笑：「送佢自己畀我囉！佢都好有心思，其實之前慶祝咗，但尋晚買咗兩個Cup Cake，半夜12點食，佢知我朝早去做運動，可以減番啲肥，其實佢錫我就夠！」
先工作後諗結婚
定欣被問到好友單立文在社交網上公開催婚，她對此說：「老竇（單立文）佢真係好錫我，我話會畀心機，先做好工作，再畀時間計劃人生，等佢有孫抱，感情方面自己都好幸福，希望可以幸福落去！」而向來人緣甚好的她，獲「胡說八道」一班好姊妹提早為她慶祝，當中包括胡杏兒、胡蓓蔚、姚子羚及李施嬅等，見定欣開心捧住立體蛋糕，席間更獲小朋友送花，場面熱鬧！
文：名人組