小齊怕被鬧唔敢咀舒淇

藝人任賢齊（小齊），舒淇及楊千嬅等前晚出席電影《落跑吧愛情》首映禮，首次執導的小齊在片中兼任男主角，他被問與舒淇合作是否很開心？他表示：「同我女神合作係好開心，佢啱啱喺倫敦拍完戲返嚟，仲有時差。」為何不安排親熱戲給自己與舒淇？他笑指怕被人誤會「自肥」。

為舒淇體貼備素菜

問到舒淇是否友情價接此片？她笑謂未有，因公司有合約，又指小齊對她百分百照顧，又體貼。她笑指拍攝地點澎湖很曬，故拍攝一個月後才進劇組的蔡依林男友錦榮皮膚還比她白。小齊如何報答她？舒淇透露小齊帶給她不少台灣小食，如太陽餅等，又知道她逢初一十五吃素，特意為她準備素油飯。

千嬅特地撐好友任賢齊場。

琦琦（右）和汪詩詩齊齊入場睇戲。

同老公說話感忟憎

前來撐場的楊千嬅大呻眼瞓，因要照顧囝囝Torres。提到囝囝開學，千嬅表示囝囝返學感到開心，但似足自己講嘢冇尾音，笑言是報應！她說：「我問我老公點解會咁，佢就話你問番自己！」又謂自己對着囝囝說話時已經是「公主聲」，謂似足鬼上身！會否鬧囝囝說話沒尾音？她說：「唔會鬧得咁衰囉，都唔知喺邊度學返嚟。」又謂要注意言行，見到囝囝猶如見到自己。

談到與老公丁子高平時的對話，千嬅笑指：「同佢講嘢會忟憎，聽唔到佢講，佢又話對住記者好專業，我問佢咁點解我聽唔到你講嘢，佢就話你知我個人o架！」

文：影視組