黃宗澤對於舊愛胡杏兒前日跟電影公司老闆蕭定一簽約，他表示昨晨看報道才知道：「啱啱都借鏡頭嚟恭喜佢。（send短訊？）都可以。」他自言仍與無綫有合約，問有否其他公司向他挖角？他笑說：「冇人搵就死得啦！有人搵好正常，因為公司栽培得我哋好好。（心動？）未到時候，就算有超級無敵太空天價都冇用。」問有否信心憑《無雙譜》爭視帝？他笑言感到不好意思，因自己演書生多演談情戲，其他演員非常辛苦，並笑言睇好又演男又演女的田蕊妮爭視帝。
