楊天經吸納阿媽粉絲
藝人楊天經、黃芷晴、徐肇平及黃淑儀等昨日為舞台劇《有限人生無限愛》宣傳，演殘疾人士的楊天經，表示為角色減了10磅，現時134磅的他欲減多兩磅，更指母親陳寶珠及其粉絲有煲湯水給他補番，問到母親可會捧場？他謂：「佢會一場做觀眾，另一場喺後台陪我，太太都會支持我。」
而演情侶的肇平及芷晴透露有約一分半鐘的舞蹈場面，惟二人均舞技不精，起初排練不時踩到對方，芷晴謂：「初頭總監問我哋想唔想試吓跳舞，我都唔想淨係講對白，相信觀眾都想睇其他嘢！」肇平稱稍後有機會加入高難度舞蹈。
芷晴坦言未有因跳舞的身體接觸而向男友備案：「佢知係做嘢。（會否捧場？）會叫朋友一齊捧場。（喺屋企同男友排練？）咁不如叫佢嚟演，不過我都希望朋友同家人睇得開心，到時媽咪都嚟，佢好鍾意新光，會買好多飛睇。」她更指爸爸推掉內地工作來撐場。