今年在美國洛杉磯舉行的《Teen Choice頒獎禮》，一眾靚女藝人明星爭妍鬥麗，衣着打扮成為焦點。以年輕作主題雖然不用穿上曳地晚裝，但性感開胸、迷你短裙絕對走唔甩。時裝作家Janice Wong大讚Portia de Rossi連身褲夠時尚型格，穿出今年流行的70年代風，就算不性感也有睇頭。而Britney Spears條裙好靚，着在她身上甚有台型，十足戰鬥格性感女神。
「身材出眾，條裙好靚，佢carry得幾好，有台型。雖然對腳有啲粗壯，好彩下襬有volume，令腰部視覺效果顯瘦，加上撥側女神髮型，係一個戰鬥格嘅性感女神造型。」
「始終少女未搵到自己風格，冇乜造型可言，好似就咁着咗條裙，冇任何配搭。要令造型突出，可以喺髮型同accessories入手，不過好彩圖案上都帶出視覺效果，唔會咁平淡。」
「甜美迷人，古銅膚色散發健康嘅性感。傘裙本身好青春，配合公主、小仙女髮型，感覺青春活潑，外國少女一向好性感，唔同香港少女，呢個造型配襯得好完美。」
「唔識避重就輕，貼身裙會令腿部顯得更粗壯，小腿較為粗嘅其實唔應該揀迷你裙。對鞋亦選擇錯誤，綁帶高跟鞋會令小腿視覺上短咗，唔夠修長。」
「今年興番60至70年代風格，halter neck係70年代興起嘅元素，造型好時尚，好有fashion trend。黑白圖案好搶眼，成為視覺焦點；連身褲通常要加belt束腰凸顯腰線，佢夠瘦唔需要加，演繹得好型格。」
「Tone-on-tone配搭，一種色調的確好play safe、好穩陣，而且紅色搶眼，不過套裝造型比較成熟，唔係好適合穿着去呢個青春頒獎禮，應該選擇一啲較青春服裝。」
「好80年代打扮，剪裁貼身偏向成熟女性化，好彩夠瘦着得起，而且身材好，有胸、有腰形，雖然金屬色好搶眼，不過就似足以前年代嘅disco服裝，品味差啲。」
王麗儀（Janice Wong），時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。