錢慧儀學做車手賽道求快感

名媛馬錢慧儀（Winnie）與丈夫馬清揚、四洲太子女戴凱欣與男友Justin、王嘉恩及周國豐等名人前晚出席東華慈善晚宴，提到馬清揚早年比賽後因車場失火，跑車燒毀，入稟索償後近日他成功獲賠償近400萬元，他表示：「係一個判決。（會唔會繼續玩賽車？）玩，遲啲有比賽。」提到不少女藝人玩賽車，他表示早前茍芸慧賽車翻車，直言好危險。

仔女嫌快唔鍾意

而Winnie直言不擔心老公，自己都努力做車手：「我都想玩，我都有落賽車場，我喺賽車場揸得快，出街就好似蟻『躝』咁。」聽到太太要做車手，馬清揚即表示反而擔心太太，問到是否鼓勵太太玩賽車？他表示最重要是要有足夠訓練。至於會否訓練太太？他直言：「唔會，玩吓就算。（小朋友一齊玩賽車？）佢哋唔鍾意，太快。」

李樂詩（圖）與李蕙敏為慈善獻唱，十分落力。	李蕙敏	戴凱欣出席公開場合都與男友Justin出雙入對。

囡囡滑水梯傷pat

Winnie透露三名子女開學，大仔18歲、細仔15歲、細女12歲，兩名兒子到英國升學，暑假期間與子女到威尼斯看兩年舉行一次藝術展覽。她表示細仔與囡囡在港玩大型滑水梯時受傷：「細仔傷頸，女就傷到pat pat，佢哋平衡力唔好，囡囡行路拐吓拐吓。」而當晚表演嘉賓有李樂詩、李蕙敏等，眾人施展渾身解數，令在場嘉賓聽出耳油。

文：名人組