許靖韻讚羅力威有口齒
歌手許靖韻（Angela）前晚與師妹陳凱彤舉行迷你音樂會，Angela更大晒琴技自彈自唱，兩人受訪時坦言首次舉行音樂會感緊張，Angela說：「做新人時試過喺旺角街頭唱歌，當時觀眾反應好熱烈，所以隨時會Encore。」問到有否想過開處女演唱會？兩女說：「有機會當然想，夢想係開演唱會。」
Angela亦透露將灌錄羅力威作曲的新歌：「有次綵排大家早到，佢話我知作咗半首歌，但未決定畀邊個，之後諗諗吓，夜晚打畀佢叫佢畀我，點知過幾日佢真係交首歌畀我，冇諗過佢係一個咁有承諾嘅男人，真係估佢唔到。」
