袁詠儀「友」壽宴傳遞正能量

靚靚以往生日都喜歡出海放生，今年則選擇9月4日正日生日早上去行山，晚上於酒店中菜部筵開2圍與一眾好友，包括蔡一智、伍詠薇及黃佩霞等食飯，飯後壽星女將相關照片放上互聯網分享，留言感謝大家的祝福。據悉身為該餐廳常客的靚靚獲酒店送贈一個印有香港小姐logo的生日蛋糕，氹得靚靚開心不已，而昨日她即孖住老公張智霖（Chilam）到上海公幹兼休息，享受短暫的二人世界時間再返港。

囝囝答應作歌

談到生日願望，靚靚接受長途電話訪問坦言：「睇到敍利亞小朋友逃難溺斃張相好唔舒服，真心希望無論大社會、小社會都和平，大家保持多啲正能量好緊要。（收到咩生日禮物？）呢樣唔緊要，大家肯嚟我好開心。我平日成日揼我老公買嘢，生日唔好再搞佢嘞。（囝囝有乜表示？）佢平時鍾意哼一、兩句自己作嘅歌，我問佢可唔可以作番首畀我，佢一口答應咗，但後來冇咗回事。」

壽星袁詠儀喜獲印有香港小姐logo的生日蛋糕。

袁詠儀昨日跟隨老公張智霖到上海公幹及休息，趁機享受二人世界。

老公否認買車

談到她早前於微博留言似被煩事困擾，她直認不諱：「私人生活確實係發生咗啲問題，詳情唔方便講，但如果對方要難為我，佢係絕對有辦法嘅，不過佢最終選擇體諒同理解，呢份已經係最好嘅生日禮物。依家個社會，想你唔好、唔想你有進步嘅人好多，能夠保持正能量生活，真係一啲都唔簡單。」

另外，有指Chilam有意再買車，他澄清謂：「嗰日係等緊代客泊車揸番架車畀我，由於街冇冷氣，咪成家同朋友行咗入車行企一陣囉，冇件咁嘅事。」

文：影視組