李嘉欣出手打un腳囝囝

李嘉欣坦言曾因兒子許建彤（圓圖）un腳話唔聽而「出手」教仔。

「大美人」李嘉欣（Michele）、城中名人潘楚穎、邢嘉倩、曾昭怡（Natalie）、陳浩寧與老公趙益坤等前晚出席活動，Michele透露兒子許建彤日前開學讀K2，她表示校服及文具都是舊有，教兒子環保意識，她表示仍有一年時間選小學，現在最重要是教他德育有禮。問到曾否打仔及鬧仔？她直言：「有，佢兩歲幾嗰陣un腳，我好憎人咁樣，我就用手溫柔放喺佢大髀度，好言相勸，但佢都un，我二話不說就打落去；我喺街見到唔識嘅人，都會叫人唔好un腳。」

Michele透露老公許晉亨在她混亂及有壓力時，對兒子時間安排有「寶貴」意見，自己就化身道理王：「先生會話覺得佢（兒子）今日要多啲睇電視時間。我就成日講道理，囉嗦係我。（生多個咁點？）生多個都早兩年生。」她更笑言開學後講太多小朋友會頭暈。

放大圖片	曾昭怡預產期是11月，已請定陪月。	陳浩寧與老公趙益坤開心囝囝入到心儀學校。

曾昭怡恨做十萬陪月

懷孕約八個月的Natalie透露預產期是11月，問到仔定女？她表示：「到時就知。（開刀定順產？）順產對自己同BB都好。（妹妹曾昭亮有BB？）佢自己事等佢自己講。」問到有甚麼準備？她表示有清單買BB衫，而且已請陪月，問到是否請十萬元一個月？她笑言：「有嘅咩？請我去做，生完有經驗。」Natalie年頭結婚，她表示有喜是計劃之內，算是一擊即中，畀老公恨到，而且計劃生兩個。另外，陳浩寧透露兒子兩歲半升讀學前班，為兒子找到心儀學校的她笑言要開香檳慶祝。文：名人組