弗版楊洛婷返港生活唔慣

首次面試已成為風頭躉的退選港姐「弗版楊洛婷」吳佩倫（Mandy，圖），坦承初初面對大堆關於自己的新聞感不慣，她說：「我喺美國細城市生活，生活習慣比較簡單，返到嚟參選要接受記者訪問，仲要被人評頭品足，真係好唔慣！之前試過被人點錯相，誤會我係佛光街『色慾男女』事件嘅女主角，當時真係好愕然，自己喺加勒比海度緊假，個人都唔喺香港，完全唔明點解會畀人傳到變成咁，心情都有受影響！」