胡杏兒諗定做媽咪

繼古裝喜劇《秋香怒點唐伯虎》後，事隔四年，陳豪與胡杏兒於無綫劇《陪著你走》再合作，兩人分別飾演「領跑員」及失明人士，當中不乏跟導盲犬的對手戲。陳豪笑稱劇中不乏親熱鏡頭：「係我畀隻狗舔！」常說拍動物、小孩難度甚高，他卻為狗仔平反：「可能啲狗受過訓練，完全冇任何控制唔到嘅場面，拍攝好順利，相比之下我仲唔乖，食雪糕、朱古力都要撩佢。」
胡杏兒認為做女人一旦結婚就應該要做埋媽咪。
胡杏兒認為做女人一旦結婚就應該要做埋媽咪。

會否挑戰跟小朋友拍戲？已是兩子之父的陳豪說：「依家做咗爹哋再演又唔同。（得心應手？）唔係，每個小朋友都係new page。」跟男友Phil蜜運中的杏兒稱喜歡小朋友，但坦言與BB對戲有難度：「我驚唔識湊，氹小朋友我唔算叻。（唔會太早生？）冇諗咁遠，但覺得女仔搵到另一半都會做，做媽咪係好偉大，係人生應該要做嘅事。」

陳豪跟杏兒在新劇與狗狗合作愉快。
  • 陳豪跟杏兒在新劇與狗狗合作愉快。