崇基崇德 呻被曲解：我哋好幽默！

歌手張崇基、張崇德將於十月舉行入行以來第八次演唱會，更是五度在伊館開唱，為營造不一樣的感覺，這次以四面台示人，然而因安全問題他們要事前入紙申請：「本身伊館台唔可以太高，而地下係走火通道，所以要畫個圖畀人批。」每次都自資開騷的他們，自言身份除歌手外，亦是製作人及投資者，弟弟張崇德感激不斷獲支持：「每次開騷成績都幾好，覺得愈嚟愈多人認同我哋做嘅嘢。」他們不擔心個唱，反而不知如何改變大眾對他們的印象：「觀眾嘅印象都係覺我哋唱民歌，但如果一睇就知唔係嗰樣嘢，我哋娛樂同音樂性都高，我哋本身好幽默！」

棄用嘉賓

除了演唱會內容外嘉賓亦是大眾關注的一點，不過他們卻有自己的一個原則：「我哋第一次係睇譚詠麟演唱會，嗰個年代係冇嘉賓，我係因為鍾意佢先買飛，到我哋嗰陣就覺可唔可以啲人只為睇我哋。（怕焦點轉咗嘉賓？）唔想用嘉賓做賣點，而嚟親嘅嘉賓成就大過我哋，唔想借用人哋。」

張崇基（左）和張崇德兩兄弟自言冇嗌過交，感情深厚。

張崇德（左）和張崇基指今次個唱不請嘉賓。

細佬搞事

兩人皆有自己的執着，問到不會吵架？他們笑言有共同執着點：「我哋冇嗌過交，由細個父母已經提住我哋兩兄弟得對方，我依家教仔女都係咁。大家好了解對方，合作愈嚟愈Smooth，加上喺冇公司情況下自己做，冇隔籬嗰個就冇呢件事，仲點會咁傻搵嘢嗌，做音樂係唯一一齊做嘅嘢。」

亦因互相了解，每次演唱會張崇基都會放手讓弟弟做主導，張崇德說：「見我阿哥鍾意滑水就知佢係浪子！我鍾意做策劃又唔覺辛苦，每次發起都係我同佢講係時候開騷要Book場喇，我屬於搞事嗰個！」文：音樂組 攝：劉斌

場地：MMP音樂人教室 髮型：IL colpo