王梓軒爭陳靜開拖 盛君爆缸狂鞭

王梓軒近年由音樂界跳進電視界，最近更殺入影圈演出電影《我們遇見松花湖》，戲中他與內地男星姜潮爭奪陳靜芳心，並笑言：「我唔夠姜潮靚仔，爭輸咗。（同陳靜有親熱戲已經滿足？）就係冇，我同導演唔夠熟呀，下次早啲同佢提出！」

傷處留疤痕

王梓軒續說：「套戲講新生代愛情觀，我同姜潮有場打交戲，我哋都好認真出力演，碌晒地咁糾纏，觀眾應該會睇得好肉緊。」

導演何緯豐讚王梓軒和盛君夠落力。	導演何緯豐	姜潮（左）與王梓軒打波時開拖。

盛君亦有參演《我》片，而且打戲連場，她說：「我演土匪首領，用長鞭做武器，練習時試過打到自己隻耳，拍攝時試過鞭傷人。有場戲我同林家棟對打，演完自己嗰部分，我轉到機器側邊畀戲家棟，當時我用晒力打，點知左手撞到攝影機個角，手背受傷流血，好痛呀，條疤到依家都未散。」

闖「金雞百花」

對於王梓軒與盛君落力演出，導演何緯豐謂：「係好辛苦嘅，下齣戲安排佢哋舒服番啲。今次多謝電影公司老闆黃百鳴，令套戲得以完成，套戲將會做金雞百花獎開幕電影，希望到時可以聽到多啲各界嘅意見。」文：影視組 攝：司徒國榮 場地：小時光