麥當娜傳明年開港騷 薛凱琪幾貴都睇

美國天后麥當娜（Madonna）出道多年，早已紅遍全球，可惜多年來都未曾來港開騷，但昨日終傳出她來港日期！網上傳出主辦娜姐《Rebel Heart》巡迴演出的Live Nation，於今次亞洲及澳洲巡唱中加入香港站的行程。娜姐明年2月初完成台北站之後，於2月17及18日在亞洲博覽館連開兩場，及後再於2月20、21日到澳門演出。票價最高為4,000港元，普通VIP座位售3,000港元，中價票則賣約2,000港元，最低票價亦要1,000港元。比起人氣英國樂隊One Direction（1D）及失明男高音Andrea Bocelli來港開騷，前者最貴飛賣3,488港元及後者叫價3,980港元的票價更高，完全凸顯出娜姐地位。

鄭融叫老闆畀錢

據知，娜姐完成香港及澳門站後，會依照已公布的行程，於2月24、25日到菲律賓馬尼拉，3月則在澳洲舉行6場騷，包括12、13日在墨爾本，19、20日在悉尼及26、27日在布里斯本。

吳雨霏	鄭融曾以麥當娜「尖胸」造型開騷。

自娜姐開騷消息傳出後，不少娛樂圈人已經即時動身四圍打探消息，希望可以覓得門票朝聖。身在內地拍戲的薛凱琪說：「好想睇，會盡量同公司mark期，不過真係有工作就冇辦法，希望今次香港站可以睇到。（最貴飛4,000蚊！）自己未睇過佢嘅演唱會，4,000都會去支持。」鄭融則直言4,000元一張門票頗貴：「可以去到一次泰國旅行，佢之前喺日本開騷，因為自己有嘢做睇唔到。（會買4,000蚊飛？）叫老闆請。」2006年曾飛到東京睇娜姐演唱會的吳雨霏說：「當時坐山頂位都覺得好好睇，香港開梗係睇，不過唔知撲唔撲到飛。（4,000蚊張飛。）好貴呀，要考慮，哈哈。」

淘寶網提供訂飛？

記者就娜姐來港開騷一事向主辦方查詢，對方回應：「消息唔係我哋發布，消息只是傳聞。」另外，淘寶網出現提供代購訂飛，以「Madonna 香港演唱會2016年 門票優先預定」作標題，講明每次落訂會收100蚊人民幣（約122港元），聲稱娜姐會去深圳演出，但搞笑地用了1D在港開騷的座位表配對，似乎想乘機抽水。文：外娛組