高海寧布吉大解放省靚咪神招牌
「咪神」高海寧近期收起性感，不過她最近到泰國布吉享受陽光與海灘，即時大解放，並準備了三套比堅尼，「咪咪」重出江湖！
近年刻意收起性感的「咪神」高海寧，最近到泰國布吉度假享受日光浴及每日做Spa為肌膚充電。刻意收起「咪咪」轉型拍劇靠演技吸引觀眾的高海寧，去到布吉面對陽光海灘又怎會捨得不穿三點式？不懂游泳的她準備了三套不同款式的三點式泳衣拍照，認真貪靚！
唔怕張秀文威脅
身材驕人的高海寧被問到穿三點式可有引起男士哄動？她笑說：「冇呀，因為我哋幾個女仔都喺屋裏面嘅私人泳池玩水，其實我哋幾個女仔都唔識游水，都係喺泳池邊影吓相。」近期兩位新「咪神」張秀文及陳庭欣來勢洶洶，問她可感到威脅？高海寧說：「唔擔心，各有各市場。」問高海寧會否再以性感形象示人？她說：「唔會咁做，自己好珍惜拍劇機會。依家反而唔想咁性感，唔想焦點去咗身材度。」
高海寧在布吉期間，剛巧曼谷發生四面佛炸彈爆炸事件，她當時也擔心曼谷情況，但布吉並未受此影響，如常平靜，她也立即致電回家報平安。文：影視組