吳若希嗌鍾意Stephy:有冇搞錯?

早前在港姐決賽慘被鄭裕玲將半邊面合照放上網,因而再被網民笑為「攝石人」的吳若希(Jinny),前晚出席《粵語歌曲排行榜頒獎典禮》時稱:「原本幅相係有我,因為我另外同佢有張合照,我都唔知最後係得半邊面。」Jinny隨即又轉話題,表示好開心能與偶像鄧麗欣(Stephy)拖手上台,更自言鍾意Stephy多年。比Jinny只大8歲的Stephy聞得Jinny一番言論,驚訝表示:「細細個睇我?有冇搞錯?我應該好細個入行。」

而太陽娛樂文化日前突然裁減宣傳部員工,作為旗下歌手的Stephy和許志安均對公司地震感關心。Stephy謂:「係有啲突然,有啲同事一齊做嘢好耐,但相信只係公司內部安排調動。近來做緊電影工作,相信未有影響。」