文詠珊爭取約會 預告關係升級
近年密密在內地掘金的女星文詠珊，早前為時裝品牌拍攝廣告，難得在港，她亦爭取時間為所接下的廣告及劇組工作「找數」，續大方承認跟圈外緋聞男友吳啟楠的「好朋友」關係，並表示如有更多時間相處和互相了解，不排除二人關係會更上一層樓！
女星文詠珊（Janice Man，JM）早前獲著名時裝品牌i.t邀請，拍攝品牌首個電視廣告和平面專輯，並擔任客席設計師推出合作鞋款，為ete!和Venilla Suite宣傳，打響頭炮！她自言在港「蒸發」了一段時間，故需爭取回港這段時間為工作「找數」：「因為好耐冇返過嚟，好多嘢要返嚟先做到，今個星期係賺錢廣告星期，（接咗幾多個廣告？）幾好成績，今年到目前為止有4個。」
搵名師設計新居
JM又表示眼見品牌現場的鞋店拍攝環境布置得像倫敦的店舖一樣漂亮，故有意找是次操刀的資深創作人朱祖兒幫忙設計自己的家居：「遲啲想搬屋，想問吓啲設計上嘅嘢，（賺到錢換大屋？）托賴，仲可以好啲。」問到是否想跟緋聞男友吳啟楠（Carl）同居？她坦言：「好朋友，觀察吓先，大家都好忙，佢好勤力事業，我又係搏殺階段，所以呢樣嘢唔係咁急，咁當然咁啱返嚟，如果有多啲時間了解同見面，唔排除再會進一步嘅。」
電影上一大突破
JM又忙於為剛拍畢的電影《兇手還未睡》宣傳，稱角色令自己有少許精神壓力，揚言戲中赤裸上身拍攝已挑戰自己的尺度，希望可成為自己暫時在影壇上的一大突破，更揚言事前沒有跟Carl研究角色：「因為係我嘅工作，我尊重呢個工作，所以我應該係問自己能唔能夠做到。」早前透露11月將再次出走內地拍劇半年的她，昨日已身在北京，並上載戴上太陽眼鏡的自拍照和天安門廣場照片至微博，身穿毛衣的她留言道：「北京為何這麼冷？」
文：名人組