RB學4個小生 老咗都有火
本地樂隊RubberBand（RB）和Mr.前晚齊集紅館，合作演出《夏日流行音樂節—創意綻放》演唱會，兩隊表演單位樂隊落力演唱，打頭陣的先有RB一口氣演繹十多首作品，到中段更逐一和Mr.成員Jam歌，分別有Mr.的Tom跟泥鯭兩位鼓手對唱，然後就到低音結他手Mr.的Dash和阿偉的表演，最後就到6號跟Alan兩位主音合唱，獲觀眾熱烈掌聲。
及後到Mr.表演，同樣連續演繹多首作品，Alan又表示跟RB差不多同期出道，大家都在音樂路上經歷很多，而且相當欣賞他們的作品。受訪時Alan表示：「大家都出道八年，到依家成長咗好多，好開心有機會可以一齊上台玩。」
MJ重提拆夥：依家好好
提到早前結他手MJ曾在網上撰文透露樂隊曾面臨拆夥，MJ受訪時稱：「其實係講緊一年半前喺台灣做嘢時，當時大家係有唔開心，但已經過晒，我只係講番件事，依家我哋五個感情好好。」至於有指他們跟唱片公司的合約明年屆滿，Dash表示：「同公司傾緊，依家離明年都仲有一段時間，中間仲有好多工作要做。」
至於RB同樣對跟Mr.合作大表興奮，6號說：「自從○八年合作過音樂會後，隔咗咁多年再一齊合作，玩得好開心。」問到可知道Mr.曾面臨拆夥邊緣？他說：「每隊樂隊都會面對，我哋都成日會嗌交，結果佢哋依家咪又喺台上一齊唱歌。」泥鯭更笑說：「好似《4個小生》咁，希望我哋咁大年紀都可以一齊嗌吓交打吓交然後又冇事。」
文：音樂組