劉心悠昨午出席活動，與逾千人齊齊做台階運動。對於有指她有「長短腳」問題，心悠BB直認不諱：「年幾前發現嘅，因為跑步發現自己平衡力唔夠，着高跟鞋又冇力，行紅地氈要男拍檔夾實我嚟行。」經診症後，證實她盆骨及脊髓都有斜歪現象，接受物理治療及勤做運動後，目前情況已無大礙，提到盆骨歪會否怕影響生育？她說：「都擔心，我希望同BB有緣，想生兩個。（快啲拍拖啦，搵個男友扶你。）等我跑埋出年馬拉松先，跑埋就10周年嘞。」
