(4)龐卓欣夜蒲無罪轉玩深閨
大熱「寸嘴Ada」(4)龐卓欣穿上三點式上陣，身形Fit爆有馬甲線，可惜黑眼圈明顯，她受訪時仍充滿信心：「我一向有黑眼圈，只係今日冇遮得咁徹底。（冇咁sharp？）唔覺，我愈戰愈勇！」她又直認視中學舊同學(1)麥明詩為最大勁敵。
對於賽前被爆料愛夜蒲攬仔，Ada承認四年前會跟朋友消遣，但現已戒蒲。問到是否因要選港姐？她說：「唔係，每個時期唔同，依家鍾意瞓覺同睇電視。（爆料者話你鍾意攬仔！）我比較活潑開朗，男女朋友都有。（冇嬲？）冇，都唔係做錯乜，唔擔心影響市民投我票。我畀最真一面大家睇，況且只係年輕時飲吓嘢。」
